The Ekwesha The Ekwesha

An Anthology of Odia Poetry by Basudev Rath

Ekwesha is a profound collection of Odia devotional poetry authored by the late Basudev Rath. This anthology delves into Odisha's rich spiritual traditions, exploring various mythological themes through expressive and evocative language.

ମୃଗୁଣୀ ଉପାଖ୍ୟାନ - (ଭାଗ-୧)

ଶୁଣନ୍ତୁ ଧିରେ ସୁଧୀରେ ରବିସୁତ ଦ୍ୱାରେ

ମୃଗଣୀର ଉପାଖ୍ୟାନ ବ୍ୟାଖ୍ୟାନ ସଧୀରେ

ଶ୍ୱାରୋଚି ସମନନ୍ତରେ କୃତ ଯୁଗେ

ହରି ହରିଣୀ ରଖିଲେ ।୧ ।

କାମ୍ୟକ କାନନେ ଥିଲେ ମୃଗମୃଗୀ ବେନି

ଚିତ୍ରକ ନାମେ ହରିଣ ଶରଳା ହରିଣୀ

ବେନି ଶିଶୁ ସଙ୍ଗେ ଘେନି

ଆନନ୍ଦେ କାଟନ୍ତି କାଳ ହରିଣ ହରିଣୀ ।୨ ।

ଏମନ୍ତେ କେତେକ ଦିନ ହୋଇଲା ଅତୀତ

ନିଦାଘ ଗ୍ରୀଷମ କାଳ ହେଲା ଉପଗତ

ଶୁଷ୍କ ହେଲା ବନଭୂମି

କୋମଳ ତୃଣ ଅଭାବ ସରେ ନାହିଁ ପାଣି ।୩ ।

କିଖାଇ ବଂଚିବେ ଶିଶୁ କରନ୍ତେ ଭାବନା

ହରିଣ ବୋଲେ ଶରଳା ଶୁଣ ମୋ କାମନା

କାଲି ଯିବି ଅନ୍ୟ ବନ

କରି ମୁଁ ଆସିବି ତୃଣ ଜଳ ଅନ୍ୱେଷଣ ।୪ ।

ରଜନୀ ଅନ୍ତ ହୋଏ କୁରଙ୍ଗ ଅନ୍ୟବନେ ଗଲା

ଶିଶୁ ବେନି ଘେନି ତହିଁ କୁରଙ୍ଗୀ ରହିଲା

ତୃଣ ଜଳ ଅନ୍ୱେଷଣ

କରି ବୁଲଇ କାନନେ ଶିଶୁଙ୍କୁ ଘେନିଣ ।୫ ।

ମୄଗିନୀ ଉପାଖ୍ୟାନ
ମୄଗିନୀ ଉପାଖ୍ୟାନ

ବନ ପ୍ରାନ୍ତର ଦେଖିଲା ଝରଣାର ତୀରେ

ସୁକୋମଳ ତୃଣମାନ ରହିଛି ବିଧିରେ

ବେନି ଶିଶୁ ସଙ୍ଗେ ଘେନି

ପୟପାନ କରି ତୃଣ ଚରିଲା ହରିଣୀ ।୬ ।

ଦଇବ ନିର୍ବନ୍ଧ ଏଣୀ ଜାଣିବ କେମନ୍ତେ

ବ୍ୟାଧ ପାତି ଅଛି ପାଗ ଶିକାର ନିମନ୍ତେ

ଲୁଚି ରହିଅଛି ଜଗି

ଶିକାର ଆସିବା ଦେଖି ପୃଷ୍ଠେ ଦେଲା ଅସି ।୭ ।

ଅନଳ ଦେଖି ଶରଳା ହେଲା ଛନଛନ

ଶିଶୁଙ୍କୁ ଘେନିଣ ଏଥୁଁ ପ୍ରୟାସ କରିଣ

ଏତେ ବିଚାରି ହରିଣୀ

ଯେଣିକି ଗଲା ତେଣିକି ଜାଲ ଅଛି ଟଣି ।୮ ।

ଦେଖିଲା ଆଗରେ ଶ୍ୱାନ କରିଅଛି ଠଣା

ତହୁଁ କିଛିଦୂରେ ଅଛି ବ୍ୟାଧ ବିଡ଼ମ୍ବନା

କରେ ଅଛି ଧନୁର୍ବାଣ

ଭାବିଲି ନିଶ୍ଚୟ ଆଜି ହୋଇଲା ମରଣ ।୯ ।

ଶିଶୁ ବିନେ ବଂଶ ମୋର ନିଶ୍ଚୟ ବୁଡ଼ିବ

ଏ ବିପଦୁଁ ଉଦ୍ଧରିଣ ଧର ବାସୁଦେବ

ବାସୁଦେବ କରେ ଚିନ୍ତା

ତୁମ୍ଭ ବିନୁଁ ଏ ସଂକଟୁ କାହିଁ କେ ରଖନ୍ତା ।୧୦ ।