ରାଇ ବିନୋଦିନୀ ଧନି ହୋଇ କାମେ ବଶ
ଲଳିତାକୁ ଡାକି ପାଶେ କହଇ ବିଶ୍ୱାସ
ସଖୀ ଗୋ ଥରେ ମୋ ବୋଲ କର
ତୋଷନାଟି ନାହିଁ ପ୍ରତିକାର
ଟାଣ ରଖିବୁ ଟାଣ ରଖିବୁ
ସଖୀ ସମାଜେ ତୋ ପଣ ଟେକିବୁ ।୧ ।
ବୃନ୍ଦାବନେ ଯାଇସଖୀ ହୋଇବୁ ପ୍ରବେଶ
କହିବୁ ଗୁପତେ ଶ୍ୟାମ ପାଶେ ଏ ସଂଦେଶ
ସଖୀ ଗୋ କେହି ନ ଜାଣିବେ
ଏକାକୀ ଯେକାଳେ ହରିଥିବେ
ଚାଟୁ ବଚନେ କହିବୁ
ଲୋତକ ଲୋଚନେ ।୨ ।
ରୋଷ ପରି ହରି ହରି ଚଳ ମୋର ସଙ୍ଗେ
ନୋହିଲେ ମରୁଛି ରାଇ ନିରାସ ଅନଙ୍ଗେ
ହରି ହେ ଦନ୍ତେ ତିରଣ ଧରି
କହିଛି ସେ ଶତେବାର କରି
ଯେବେ ନଯିବ ହରି
ନାରୀ ହତ୍ୟା ଦୋଷ ଦେବ ଗୋରୀ ।୩ ।
ଅବିରତେ ଅଶ୍ରୁନେତ୍ରେ ବସିଛି ଅନାଇ
ମୁଖେ ଜପୁଛି ନିରତେ କହ୍ନାଇ କହ୍ନାଇ
ହରି ହେ କ୍ଷୀଣ ହେଲାଣି ଦେହ
ମିନ ନୟନରୁ ବହି ଲୁହ
କର କାରଣ କାରଣ
ନୋହିଲେ ତେଜିବ ପରାଣ ।୪ ।
ମୋହନ ମନ୍ତର ତୋର ବାସୁଦେବ ନାମ
ହୀନ ବାସୁଦେବ ଦୀନ ଲୋଡୁଛି ଶରଣ
ହରି ହେ ଗତି ମୁକତି ଦିଅ
ଭକତି କୁସୁମେ ଘେନି ସ୍ନେହ
ନାମ ମନ୍ତର ମନ୍ତର
କରିଛି ସଦୟେ ଅନ୍ତର ।୫ ।
ଶ୍ରୀ ଜଗନ୍ନାଥ ଚଉତିଶା
ଭଜନ
1 ଜ୍ଞାନର ପ୍ରଦୀପ ଜାଳିଦିଅ ପ୍ରଭୁ 2 ମନୁଆଁ ଭଜ ରାମ ରଘୁମଣି 3 ଯାଅ ଯାଅ ଦୂତି ଏ ମୋର ଭାରତୀ 4 ସେହି ଶ୍ୟାମ ଲାଗି ହେବି ବାସ ତ୍ୟାଗି 5 ରାଇ ବିନୋଦିନୀ ଧନି ହୋଇ କାମେ ବଶ 6 ଶୁଣ ହେ ଭକତଗଣ ନାମ ସଂକୀର୍ତନ 7 ଲଳିତା ଠାରୁ ସନ୍ଦେଶ ପାଇ ପ୍ରଭୁ ହୃଷୀକେଶ 8 ଦୂତିକା ମୁଖରୁ ଶ୍ରୀହରି ଆଗମ ଶୁଣି ଚପଳା କିଶୋରୀ 9 ଦେଖ ଦେଖ ସଖୀ ଦେଖ ଗୋ ନିରେଖି 10 କଷ କେତେ କଷୁଛ ମୋତେ
ଜୀବନୀ
ଜଣାଣ
ବନ୍ଦନା
ମୃଗୁଣୀ ଉପାଖ୍ୟାନ
ଗୀତ
