The Ekwesha
-
ଶ୍ରୀ ଜଗନ୍ନାଥ ଚଉତିଶା
-
ଭଜନ
1 ଜ୍ଞାନର ପ୍ରଦୀପ ଜାଳିଦିଅ ପ୍ରଭୁ 2 ମନୁଆଁ ଭଜ ରାମ ରଘୁମଣି 3 ଯାଅ ଯାଅ ଦୂତି ଏ ମୋର ଭାରତୀ 4 ସେହି ଶ୍ୟାମ ଲାଗି ହେବି ବାସ ତ୍ୟାଗି 5 ରାଇ ବିନୋଦିନୀ ଧନି ହୋଇ କାମେ ବଶ 6 ଶୁଣ ହେ ଭକତଗଣ ନାମ ସଂକୀର୍ତନ 7 ଲଳିତା ଠାରୁ ସନ୍ଦେଶ ପାଇ ପ୍ରଭୁ ହୃଷୀକେଶ 8 ଦୂତିକା ମୁଖରୁ ଶ୍ରୀହରି ଆଗମ ଶୁଣି ଚପଳା କିଶୋରୀ 9 ଦେଖ ଦେଖ ସଖୀ ଦେଖ ଗୋ ନିରେଖି 10 କଷ କେତେ କଷୁଛ ମୋତେ -
ଜୀବନୀ
ଜଣାଣ
ବନ୍ଦନା
ମୃଗୁଣୀ ଉପାଖ୍ୟାନ
ଗୀତ
ଗଣେଶ ବନ୍ଦନା
ନମୋ ବିଘ୍ନ ବିନାସନ
ଗିରି ନନ୍ଦିନୀ ନନ୍ଦନ
ଭୁବନ ପୂଜିତ ଦ୍ୱିତୀୟ ଈଶାନ
ବେଦ ବିଦ୍ୟା ବିଭୂଷଣ ।୧ ।
ପାଶାଙ୍କୁଶ ବେନି କର
ସ୍ଥୂଳ ପୃଥୁଳ ଉଦର
ଭସ୍ମ ବିଲେପନ ସର୍ବାଙ୍ଗ ଶୋଭନ
କଟି ତଟେ ରକ୍ତାମ୍ବର ।୨ ।
ମଉଳିରେ ସପ୍ତଫେଣୀ
ଶିରେ ଶୋହେ କୃଷ୍ଣବେଣୀ
ଭୁଜଙ୍ଗ କଙ୍କଣ କରେ ଆଭରଣ
ଜନମନ ନିଏ କିଣି ।୩ ।
ସୁନ୍ଦର ମନ୍ଦାର ମାଳ
ଲମ୍ବିଥାଏ ବକ୍ଷ ସ୍ଥଳ
ରୁଦ୍ରାକ୍ଷର ମାଳ ଦଳେ ସୁମଂଜୁଳ
କର୍ଣ୍ଣେ ଅମୃତ କୁଣ୍ଡଳ ।୪ ।
ମାତଙ୍ଗ ଆନନେ ଶୋଭା
ସିନ୍ଦୁର ଗାର ପ୍ରତିଭା
କେତକୀ କୁସୁମ ସମ ଶୋଭାବନ
କେରଦ ମନଲୋଭା ।୫ ।
ବିଘ୍ନରାଜ ଦୟାକର
ଆସ ଆସ୍ଥାନ ଉପର
ଯଯମାନ ମନବାଞ୍ଛା ପୂର୍ଣ୍ଣ କରି
ଦିଅନ୍ତୁ ଅଭୟବର ।୬ ।
ଶିବ ନନ୍ଦନ ଚରଣେ
ହୀନ ବାସୁଦେବ ଭଣେ
ହୁଳହୁଳି ତୁଲେ ହରିବୋଲ ଶବ୍ଦ
ଦିଅ ସର୍ବ ସଭାଜନେ ।୭ ।
