The Ekwesha

ଆହେ କରୁଣା ସାଗର ହରି

ଦୁଃଖୀ ଦୁଃଖ ବିମୋଚନକାରୀ

ଆରତ ଭଞ୍ଜନ ତୁମ୍ଭେ ନାରାୟଣ

ଶରଣ ରକ୍ଷଣ କାରୀ - (ହେ କେଶବ) ।୧ ।

ଦୁଷ୍ଟ ଗରବ ଗଞ୍ଜନ ନାଥ

ଶିଷ୍ଟ ପାଳନେ ଉଡ଼ାଅ ନେତ

ଅନାଥର ନାଥ ତୁମ୍ଭେ ଜଗନ୍ନାଥ

ରଖ ବାରେ ରମାକାନ୍ତ ।୨ ।

ଶୁଣି ଅଛି ପୂର୍ବ କାଳେ ଗୋପୀ

ଡାକିଲେ ତୋତେ ଆକୁଳେ

କରେ ଗୋବର୍ଦ୍ଧନ ଧଇଲ ଆପଣ

ଟେକା ପରି ଟେକି କରାଙ୍ଗୁଳେ ।୩ ।

ଶକ୍ରଜାନ ନକ୍ର ମୁଖେ ଜଳେ

ପଡ଼ି ଚିନ୍ତିଲା ତୋତେ ଆକୁଳେ

ଶ୍ରୀକରୁ ରଥାଙ୍ଗ ପେଷି ଶିରିରଙ୍ଗ

ରକ୍ଷାକଲ ତାକୁ ଅବହେଳେ ।୪ ।

ପଶୁ ଛାରେ ଜନମ ମୋହର

ନଜାଣଇ ମନ୍ତ୍ରତନ୍ତ୍ର ତୋର

କେବଳ ଆକୁଳେ ଚରଣ କମଳେ

ଶରଣ ଗଲି ତୋହର ।୫ ।

ରଖ ବା ନରଖ ନାରାୟଣ

ତୁମ୍ଭ ବିନୁ ନାହିଁ ପରିତ୍ରାଣ

ବାସୁଦେବ ପ୍ରାଣ ନିଶ୍ଚେଗଲା ଜାଣ

ଶିଶୁ ତୁଲେ ନେବ ବ୍ୟାଧବାଣ ।୬ ।